வழுநிலை, வழாநிலை, வழுவமைதி

வழுநிலை

வழு என்பது பிழையான அல்லது குற்றமுடைய பேச்சும் எழுத்தும் வழு எனப்படும்.ஒரு மனிதன் தன் கருத்தைப் பிறருக்குத் தெரிவிக்கும் முயற்சியில் ஈடுபடும்போது இலக்கண முறையின்றிப் பேசுவதும் எழுதுவதும் வழு எனப்படும்.

வழுநிலை வகைகள்:

வழுநிலை ஏழு வகைப்படும். அவை,

1. திணைவழு

2. பால்வழு

3. இடவழு

4. காலவழு

5. வினாவழு

6. விடைவழு

7. மரபுவழு

1. திணைவழு: ஒரு திணைச்சொல்லை மற்றோரு திண்ணைச் சொல்லால் சொல்வது திணைவழு எனப்படும். உயர்திணை, அஃறிணை என்னும் இருவகைத் திணைகளும் ஒன்றோடொன்று மயங்கி(மாறி) வருவது திணைவழுவாகும்.

எ.கா:

அ. முருகன் வந்தது (உயர்திணை எழுவாய் ‘முருகன்’ அஃறிணைப் பயனிலையைக் ‘வந்தது’ கொண்டு முடிந்தது)

ஆ. பசு வந்தாள் (அஃறிணை எழுவாய் ‘பசு’ உயர்திணைப் பயனிலையைக் ‘வந்தாள்’ கொண்டு முடிந்தது)

எனவே இவ்விரு தொடர்களும் திணைவழுவாயிற்று.

2. பால்வழு: ஆண்பால், பெண்பால், பலர்பால், ஒன்றன்பால், பலவின்பால் என ஐவகைப்பாலும் ஒன்றோடொன்று மயங்கி(மாறி) வருவது பால்வழுவாகும்.

எ.கா:

அ. மாறன் வந்தாள்(ஆண்பால் எழுவாய் ‘மாறன்’ பெண்பால் பயனிலை ‘வந்தாள்’ கொண்டு முடிந்ததால் வழுவாயிற்று

ஆ. தேன்மொழி வந்தான்(பெண்பால் எழுவாய் ‘தேன்மொழி’ ஆண்பால் பயனிலை ‘வந்தான்’ கொண்டு முடிந்ததால் வழுவாயிற்று)

இ. மாணவன் தந்தார். (ஆண்பால் எழுவாய் ‘மாணவன்’ பலர்பால் பயனிலை ‘தந்தார்’ கொண்டு முடிந்ததால் வழுவாயிற்று)

ஈ. மாடுகள் மேய்ந்தது. (பலவின் பால் எழுவாய் ‘மாடுகள்’ ஒன்றன் பால் பயனிலை ‘மேய்ந்தது’ கொண்டு முடிந்ததால் வழுவாயிற்று)

உ. ஆடு மேய்ந்தன. (ஒன்றன் பால் எழுவாய் ‘ஆடு’ பலவின் பால் பயனிலை ‘மேய்ந்தன’ கொண்டு முடிந்ததால் வழுவாயிற்று)

3. இடவழு: தன்மை, முன்னிலை, படர்க்கை என மூவகை இடமும் ஒன்றோடொன்று மயங்கி(மாறி) வருவது இடவழுவாகும்.

எ.கா:

அ. நான் உண்டாய் (தன்மை ஒருமைப்பெயர் ‘நான்’ முன்னிலைப் பயனிலையைக் ‘உண்டாய்’ கொண்டு முடிந்ததால் வழுவாயிற்று)

ஆ. நீங்கள் உண்டோம். (முன்னிலை பன்மைப்பெயர் ‘நீங்கள்’ தன்மைப் பயனிலையைக் ‘உண்டோம்’ கொண்டு முடிந்ததால் வழுவாயிற்று)

இ. அவர்கள் உண்டீர்கள்.(படர்க்கை பன்மைப்பெயர் ‘அவர்கள்’ முன்னிலைப் பயனிலையைக் ‘உண்டீர்கள்’ கொண்டு முடிந்ததால் வழுவாயிற்று)

4. காலவழு: இறந்தகாலம் , நிகழ்காலம், எதிர்காலம் என மூவகைக் காலமும் ஒன்றோடொன்று மயங்கி(மாறி) வருவது கால வழுவாகும்.

எ.கா:

அ. நான் நேற்று வருவேன். ('நேற்று' என்னும் இறந்தகாலப் பெயர் 'வருவேன்' என்னும் எதிர்கால வினைமுற்றைக் கொண்டு முடிந்ததால் வழுவாயிற்று)

ஆ. இன்று வருவேன். ('இன்று' என்னும் நிகழ்காலப் பெயர் 'வருவேன்' என்னும் எதிர்கால வினைமுற்றைக் கொண்டு முடிந்ததால் வழுவாயிற்று)

இ. நாளை வந்தேன்.('நாளை' என்னும் எதிர்காலப் பெயர் 'வந்தேன்' என்னும் எதிர்கால வினைமுற்றைக் கொண்டு முடிந்ததால் வழுவாயிற்று)

5. வினாவழு: அறுவகை வினாக்கள் மயங்கி(மாறி) வருவது வினாவழுவாகும்.

எ.கா:

அ. கறக்கின்ற மாடு பசுவோ எருதோ?. (கறக்கின்ற என்னும் குறிப்புச்சொல்லால் கறக்கின்ற மாடு பசு என்பது உறுதியாகிய பின்னும் பசுவோ எருதோ? என ஐயம் கொண்டு வினவுவது வழுவாகும். மேலும் எருது கறப்பதில்லை எனவே ஐயவினா வினவியது வழுவாகும்)

6. விடைவழு: வினாவிற்குப் பொருந்தா விடை பகர்தல் விடைவழுவாகும். இதனைச் செப்புவழு என்றும் கூறுவர்

எ.கா:

அ. பருப்பு வாங்கி வருவாயா?. என்னும் வினாவிற்குச் 'செருப்பு விலை அதிகம்' என்று விடை பகர்தல் விடைவழுவாகும்.

7. மரபுவழு: மரபுத்தொடர்கள் மயங்கி(மாறி) வருவது மரபு வழுவாகும். முறைமைக்கு மாறாகத் தொன்றுதொட்டு வழங்கிவரும் மரபிலிருந்து மாறி வருவது மரபுவழு ஆகும்.

எ.கா:

அ. குயில் குளறும். ('குயில் கூவும்' என்பதே சரியான ஒலிமரபுத்தொடராகும். 'குளறும்' என்று வந்ததால் வழுவாயிற்று)

ஆ. தென்னை இலை.('தென்னை ஓலை' என்பதே சரியான சினைமரபுத் தொடராகும். 'இலை' என்று வந்ததால் மரபு வழுவாயிற்று.)

வழாநிலை:

வழா என்றால் குற்றம் இல்லாமல் அல்லது பிழை இல்லாமல் ஆகும். ஒரு மனிதன் தன் கருத்தைப் பிறருக்குத் தெரிவிக்கும் முயற்சியில் ஈடுபடும்போது இலக்கண முறையுடன் பேசுவதும் எழுதுவதும் வழாநிலை எனப்படும்.

வழாநிலை எடுத்துக்காட்டு