குற்றியலிகரம்

மாத்திரை என்றால் என்ன?

எழுத்துக்களை ஒலிக்க ஆகும் காலஅளவு மாத்திரை எனப்படும்.

எழுத்துகள் ஒலிக்கப்படும் கால நீட்டத்தைக் குறிக்க மாத்திரை என்னும் கால அளவு பயன்படுகின்றது. மாத்திரை எனப்படுவது ஒருவன்,

இயல்பாக கண் இமைக்கும் நேரமும் மற்றும் இயல்பாக கை நொடிக்கும் நேரமும் 1 மாத்திரை அளவு ஆகும்.

குற்றியலிகரம் எவ்வாறு உருவாகும்?

நிலைமொழியின் ஈற்றெழுத்து குற்றியலுகரமாகவும் வருமொழியின் முதலெழுத்து யகரமாகவும் இருந்தால், அவையிரண்டும் புணரும்போது நிலைமொழி ஈற்றிலுள்ள குற்றியலுகரம் இகரமாகத் திரியும். 

எ.கா:

1. நாடு+யாது = நாடியாது 

2. கொக்கு+யாது = கொக்கியாது

இதில் “நாடு” - “நிலைமொழி” அதனுடைய ஈற்றெழுத்து ‘டு’ (ட்+உ) குற்றியலுகரமாகும் மற்றும் அந்த சொல் நெடில்தொடர் குற்றியலுகரம். 

அதேபோல் “யாது” - “வருமொழி” இதனுடைய முதலெழுத்து “யா” யகரம் ஆகும். இந்த இரண்டும் சேரும்போது “நாடியாது” என ஆயிற்று. 

இதில்  ‘டு’ (ட்+உ) உகரம் டி(ட்+இ) இகரமாக திரிந்து இது குற்றியலிகரமாயிற்று.

அவ்வாறு திரிந்த இகரம் அரை மாத்திரையளவே ஒலிக்கும். அவ்வாறு குறைந்தொலிக்கும் இகரம் குற்றியலிகரம் ஆகும். இதனை இவ்வாறாகவும் கூறலாம் - அதாவது நிலைமொழி முதலில் வரும் சொல் நெடில்தொடர் குற்றியலுகரமாக இருந்தால் வருமொழி முதலில் இகரம் வந்தால் உகரம் இகரமாக திரியும்.

குற்றியலுகரம்- குற்றியலிகரம்-வேறுபாடு