உயிரீற்றுப் புணர்ச்சி

உயிர்முன்  உயிர் புணர்தல்  (உயிர் + உயிர்)

நிலைமொழி இறுதியிலும்   வருமொழி முதலிலும் உயிரெழுத்து வந்தால், அதை  உயிர்முன் உயிர் புணர்தல்  என்று கூறுவார். ஆனால் இவ்வாறு வந்தமையும் சொற்கள்  இயல்பாக புணர்வதில்லை என்பதனால், இடையில் ய் அல்லது வ் என்ற மெய்யெழுத்துக்கள் பயன்படுத்தப்படும். (இவற்றை உடம்படுமெய் என்று குறிப்பார்.)

• நிலைமொழியின் இறுதி எழுத்தாக இ, ஈ அல்லது ஐ வந்து, வருமொழியுடன் புணரும்போது, இடையில் ய் என்ற மெய்யெழுத்து தோன்றும்.

எ + கா: மணி (ண் + இ)   +        ய்    +   ஓசை = மணியோசை 

• மீதி இருக்கும் உயிரெழுத்துக்கள் நிலைமொழி இறுதியில் வந்து, வருமொழியுடன் புணரும்போது, வ் என்ற மெய்யெழுத்து இடையில் சேர்க்கப்படும்.

எ + கா: நிலா (ல்  + ஆ)  + வ்  +   ஒளி = நிலாவொளி 

• ஏ என்ற உயிரெழுத்து நிலைமொழி இறுதியில் இருந்து, அது வருமொழியுடன் புணரும்போது ய் மற்றும் வ் என்ற இரண்டு மெய்யெழுத்துக்களும் இணைக்கப்படலாம்.

எ + கா:     சே (ச் + ஏ)   +  ய் + அடி =  சேயடி 

      சே  (ச் + ஏ)  +  வ் + அடி =       சேவடி 

எந்தெந்த உயிரெழுத்துக்களுக்கு எந்த உடம்படுமெய் பயன்படுத்தப்படும் என்பதை கீழே உள்ள படம் எடுத்துக்காட்டுகிறது. இ, ஈ, ஐ  என்ற உயிரெழுத்துக்களுக்கு ய் என்ற உடம்படுமெய்யும் மற்றும் அ ஆ உ ஊ எ ஒ ஓ ஒள உயிரெழுத்துக்களுக்கு வ்  என்ற உடம்படுமெய்யும் வரும். ஏ என்ற உயிரெழுத்துக்கு இரண்டு  உடம்படுமெய்யும் பயன்படுத்தலாம்.

உயிர்முன் மெய் புணர்தல் (உயிர் +மெய்)

நிலைமொழி இறுதியில் உயிரெழுத்து  வந்து, வருமொழி முதலின்  க், ச், த், ப் ஆகிய வல்லின  மெய்யெழுத்துக்களுடன்  புணரும்பொழுது, வருமொழியில் உள்ள அந்த  மெய்யெழுத்து இன்னொரு தடவை தோன்றி நிற்கும்.

எ + கா: பள்ளி       +     க்   + கூடம் (க் + ஊ)       =        பள்ளிக்கூடம்

சில சொற்களை பொறுத்து அவற்றின்  இன மெல்லினம்  ஆகிய ங், ஞ், ண், ந், ம், ன் என்ற மெய்யெழுத்துக்கள் தோன்றலாம்.

எ + கா: மா      +    ங் +         காய் (க் + ஆ)       =  மாங்காய்