சுட்டெழுத்துக்கள்

சுட்டெழுத்து என்பது ஒரு பொருளையோ, மனிதரையோ, வேறு உயிரினங்களையோ சுட்டிக்காட்டுவது ஆகும்.

உயிரெழுத்துக்களாகிய “அ, இ, உ” என்பன சுட்டெழுத்துக்கள் ஆகும்.  

எ + கா: அவன் , இவன், உவன்

1) அருகில் இருப்பவற்றைச் சுட்டிக்காட்டுவதை அண்மைச்சுட்டு  எனப்படும். 

அருகில் உள்ளவற்றைக் குறிப்பிடுவதற்கு  நாங்கள் எப்போதும்  “இ” என்னும் சுட்டெழுத்தில் ஆரம்பிக்கும் “இங்கு, இவர்கள், இது …” போன்ற  சொற்களை உபயோகிக்கிறோம். 

2) தொலைவில் இருப்பவற்றைக் குறிப்பது சேய்மைச்சுட்டு எனப்படும். தொலைவில் உள்ளவற்றைக் குறிப்படுவதற்கு நாங்கள் எப்போதும் “அ” என்னும் சுட்டெழுத்தில் ஆரம்பிக்கும் “அங்கு, அவர்கள், அது “ போன்ற சொற்களை உபயோகிக்கின்றோம். 

3)  ஒரு சொல்லின் அகத்தே (உள்ளே)  நின்று சுட்டுப்பொருளைத் தருவது அகச்சுட்டு எனப்படும். இவ்வகைச் சொல்லில் அடங்கியுள்ள சுட்டெழுத்தைப் பிரித்து விட்டால் அது பொருள் சுட்டாது.

எ + கா: அவன் = அ + வ் + அன்

  அவன் = வன்  ( → பொருள் இல்லை)

4) ஒரு சொல்லின் புறத்தே (வெளியே)  இருந்து பொருள் தருவது புறச்சுட்டு எனப்படும். இவ்வகைச் சொல்லில் உள்ள சுட்டெழுத்தைப் பிரித்துவிட்டாலும் அது பொருள் சுட்டும்.

எ + கா: அக்குதிரை = அ + குதிரை

  அக்குதிரை = குதிரை (→ பொருள்)

  இப்புத்தகம் = இ + புத்தகம்

  இப்புத்தகம் = புத்தகம் (→ பொருள்)

(குறிப்பு: 'அ, இ' ஆகிய இரண்டு சுட்டுகள் மட்டுமே இன்றைய வழக்கில் உள்ளன. ‘உ’ எனும் சுட்டு இன்றைய வழக்கில் பயன்படுத்தப்படுவதில்லை.)